Hər bir insanın başqalarından daha yaxşı bacardığı bir iş var. Sadəcə olaraq kimlərsə özündə olan bu bacarıqları görüb həmin işlə məşğul olur, kimlərsə başqa işlərdə çalışaraq həm özünü yorur, həm də maraqsız bir sahədə çox böyük uğurlar qazanmadan vaxt itirir.
Daha böyük uğurlar qazanmaq üçün siz öz gizli istedadınızı üzə çaxarmalı və əgər həmin sahəyə böyük marağınızın olduğunu düşünürsünüzsə, onu inkişaf etdirməyə çalışmalısınız.
Bunun üçün:
- 3 yaxın insana sizdə hansı bacarıqları gördüyü ilə bağlı sual verin. Ancaq soruşduğunuz insanlar sözün düzünü deyən olmalıdır – nə yalandan sizə xoş gəlmək üçün istedadınızı şişirdən, nə də ki, əksinə bacarıqlarınızı görməzdən gələn olmamalıdır.⠀
- Hər hansı bacarığınızı aşkar etmisinizsə, onun üzərində işləməlisiniz. Bunun üçün müəllimin olması çox önəmlidir. Müəllimlə hər görüşünüz sizin bilik və bacarıqlarınız üçün böyük bir təkandır.⠀
- Özünüz üçün məsləkdaşlar tapın. Onlarla görüşün, təcrübə mübadiləsi edin. Bu həm biliklərinzin gücləndirilməsi üçün, həm də bilmədiklərinizin öyrənilməsi üçün inkişafetdirici bir təcrübədir.⠀
Öz bacarıqlarınızı aşkar edin. Sevdiyiniz işlə məşğul olun. Yalnız işinizdən zövq aldıqda həmin sahədə inkişaf edə bilərsiniz. Əks halda həyat rutini sizi yoracaq.