Qadın Cinsi Orqanlarında Xərçəng Xəstəliyinin Olmasının Əlamətləri

Qadın cinsi orqanlarının xərçəng xəstəlikləri dedikdə aşağidakı xəstəliklər başa düşülür:

  • Uşaqlığın xərçəngi
  • Yumurtalıqların xərçəngi
  • Uşaqlıq yolunun xərçəngi
  • Artımların xərçəng xəstəlikləri və b.

Xəstəlik özünü aşağıdakı əlamətlərlə biruzə verir:

1. Qanaxma

Qanaxma qadın xəstəlikləri zamanı ən çox meydana çıxan əlamətdir. Qanaxma ən çox qadınlarda menopauzanın başladığı zaman meydana çıxır. Bu zaman qanaxmalar baş verir və sonra qadınlarda aybaşı olmur. Bəzi hallarda qanaxma cinsi əlaqədən sonra, ya da aybaşı arası zamanda meydana çıxa bilir. Bu isə hormonal pozulmaların əlaməti hesab edilir. Aybaşının ağrılı və qanaxmalarla olması ilə yumurtalıq və yumurtalıq artımlarının xərçəng xəstəliyinin əlamətləri ola bilir. Uşaqlıq boynunun xərçənginin diaqnozunu qoymaq çətin deyil. Bu xəstəliyə şübhə olduqda servikal kanaldan yaxma götürülür və histoloji müayinə edilir. Müayinə zamanı yaxmada xüsusi xətçəng hüceyrələrinin olması xəstəliyin inkişaf etdiyini bildirir. Müayinənin tamamlanması üçün USM–in nəticəsi də əsas götürülür.

2. Axıntı

Uşaqlığın xərçəngi zamanı qadınlarda qanaxma ilə birlikdə axıntı da olur. Axıntı əksər hallarda infeksion xəstəliklər səbəbli baş verir. Amma, xroniki infeksion xəstəliklər xərçəngin başlanğıc əlaməti sayıla bilər.

3. Döşün quruluşunda dəyişikliklər

Qadın cinsi orqanlarının xətçəng xəstəliyi döşlərdə də öz izini göstərir Belə ki, xərçəng xəstəliyi zamanı qadınların döşlərinin və döş giləsinin quruluşu dəyişilir. Xəstəlik zamanı döşlərdə aşağıdakı əlamətlər meydana çıxa bilir:

  • döşün əzələsi portağal qabığı şəklində olur
  • döşün forması dəyişilıir
  • döşlərdə qaşınmalar və piqment ləkələri əmələ gəlir
  • döşün əzələsində çökəkliklər meydana çıxır
  • döş və döş ətrafında temperatururn olması

4. Diskomfort

Qadın cinsi orqanlarında xərçəng xəstəliyinin əlamətlərindən biri cinsiyyət dodaqlarında qaşınma və discomfort hissinin meydana çıxmasıdır. Bəzən qadınlar bunu allergiya, ya da infeksiya xəstəliklərinin əlaməti kimi qəbul edirlər, ancaq, bu belə deyil.

5. Qarında ağrılar

Yumurtalıqların xərçəng xəstəliyinin diaqnozunu qoymaq çətindir. Çünki, bu xəstəlik xüsusi bir əlamət vermir. Amma, bəzi əlamətlər bu xəstəliyə aid olur. Bu əlamətlərə qarının aşağı hissəsində ağrı, qarında qğrı, sidikburaxma, sidiyə çıxma hissi və b. aiddir. Düzdür bu əlamətlər başqa xəstəliyin də göstəriciləri ola bilir. Buna görə də mütəxəssislər mütləq həkimə müraciət etməyi məsləhət bilirlər.

6. Üşütmə-qızdırma

Üşütmə-qızdırma adətən infeksion xəstəliklər zamanı meydana çıxan əlamət hesab edilir. Ancaq, qadın cinsi orqanlarının xərçəng xəstəliyi zamanı qadınlarda üşütmə-qızdırma əlamətləri meydana çıxır. Bu zaman infeksiya əlamətləri olmur, lakin, xəstə bir həftədən çox bu əlamətlərdən əziyyət çəkir.

7. Həzm pozğunluqları

Qadın cinsiyyət orqanlarının xərçəng xəstəliyi zamanı qadınlarda iştahanın olmaması, qəbizlik, ishal və nəcisdə qan izləri ilə müşahidə olunur.

8. Çəkinin pozulması

Onkoloji xəstəliklərin əsas əlaməti xəstənin qısa bir zamanda çəkisini azaltmasıdır. Kaxeksiya xərçəngin əsas əlamtlərindən biri sayılır.

9. Qarının ölçüsünün dəyişməsi

Uşaqlığın və yumurtalıqların xərçəng xəstəliyi zamanı şiş toxumasının ölçüsü iri olduqda qarının həcmi böyüyür. Bu zaman qarın bərk və iri olur.

10. Yorğunluq və halsızlıq

Xərçəng xəstəliyi insanda yorğunluğun, halsızlığın və süstlüyün əmələ gəlməsinə səbəb olur. Bunun səbəbi isə toksiki maddələrin orqanizmin sinir sisteminə mənfi təsir etməsidir. Orqanizmdə əmələ gələn vitamin və mineralların azlığı xəstə qadınlarda fiziki gücün azalmasına və halsızlığa səbəb olur.
Mütəxəssislər yuxarıda sadalanan əlamətlərin başqa xəstəliklər səbəbindən də baş verə biləcəiyini söyləyirlər. Bu səbəbdən də qeyd edilən əlamətlərdən ən azı 3-4-nün meydana çıxdığı zaman mütləq həkimə müraciət etməyi tövsiyə edir.

One thought on “Qadın Cinsi Orqanlarında Xərçəng Xəstəliyinin Olmasının Əlamətləri

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir