Gül Kələminin Faydaları Haqqında Bilmədiklərimiz

Gül kələmi əvvəllər “Kipr kələmi” adlanıb və Azərbaycana ilk dəfə oradan gətirildiyi bildirilir. Təəssüf ki, bu faydalı tərəvəz bizdə geniş istifadə olunmur.

Adi baş kələmlə müqayisədə gül kələmi orqanizm tərəfindən daha asan mənimsənilir köp və digər pozulmalara səbəb olmur.

Gül kələminin tərkibində çoxlu miqdarda C vitamini var. Alimlərin araşdırmalarına görə, gül kələmində C vitaminin miqdarı limonla müqayisədə daha çoxdur. Bu səbəbdən gül kələmi insanın immun sisteminə çox müsbət təsir edir, orqanizmin müxtəlif infeksiyalara davamlılığını artırır, orqanizmdə gedən qocalma prosesləri ləngidir.

Bundan başqa gül kələmin tərkibində B qrupu, A, E, D, K, U kimi çox lazımlı vitaminlər və dəmir, kalsium, kalium, sink, fosfor, mis və başqa mikroelementlər var. Belə zəngin tərkibinə görə dietoloqlar gül kələmini “tərəvəzlərin çempionu” adlandırırlar.

Gül kələmi mədə-bağırsaq sistemində müxtəlif pozulmalar olan insanlar üçün olduqca faydalıdır. Belə ki, qastroenteroloqlar bu faydalı tərəvəzi xara xəstəliyi və qastritdən əziyyət çəkən insanlara qəbul etməyi tövsiyə edirlər.

Gül kələmi qəbizliklə də mübarizəyə etməyə kömək edir, ödün ifrazını artırır, həzm prosesləri stimullaşdırır.

Gül kələminin tərkibində nadir U vitamini var ki, bu vitamin mədə və 12 barmaq bağırsağın selikli hissəsinin bərpasına, xora və eroziyaların sağalmasına kömək edir. Məhz bu səbəbdən xora xəstəliyindən əziyyət çəkən insanlara bu tərəvəzi yemək və onun şirəsini içməyi tövsiyə edirlər. Gül kələmi şirəsi xoraların sağalması prosesini çox effektli şəkildə tezləşdirir.

Bundan başqa U vitamini immun sisteminə zərərli birləşmələrin tapılmasında və zərərsizləşdirilməsində böyük kömək edir.

Gül kələmi həzm sisteminin selikli qişalarını qıcıqlandırmır və bu səbəbdən 1 yaşına qədər olan körpə uşaqların ilk əlavə qidalanmasında müxtəlif suplar və pürelərin hazırlanmasında geniş istifadə olunur.

Faydalı özəlliklərlə yanaşı gül kələmi azkalorili məhsuldur. Bu səbəbdən dietoloqlar arıqlamaq məqsədi ilə tutulan müxtəlif pəhrizlərə bu tərəvəzi tez-tez əlavə edirlər.

Həkimlər sübut edir ki, gül kələminin xərçəng əleyhinə təsiri var və xərçəng hüceyrələrin inkişafını ləngidir, sağlam hüceyrələri qoruyur.

Gül kələminin tərkibində olan enzimlər orqanizmi cavanlaşdırır, orqanizmə artıq ziyanlı maddələrdən daha tez azad olunmasına kömək edir.

Tərkibində olan faydalı maddələrin səbəbinə görə gül kələmi qanın tərkibini yaxşılaşdırır, damarları möhkəmləndirir, mübadilə proseslərini normallaşdırır.

Bir cavab yazın

Sizin e-poçt ünvanınız dərc edilməyəcəkdir.